‘गणपति’ अफिसियल रिलिज घोषणा
पटक पटक प्रदर्शन चर्चाको बीच फिल्म ‘गणपति’ अब आगामी भदौ १४ गते प्रदर्शन हुने भएको छ । निर्माण कम्पनि रिजाल एण्ड रिजाल प्रोडक्सनका प्रमुख रामप्रसाद रिजालले सर्वाधिकार लिएसँगै ‘गणपति’ को प्रदर्शन मिति सार्वजनीक गरिएको हो ।
सविन अधिकारीको लेखन र निर्देशनमा बनेको ‘गणपति’ निर्माण थालनीबाटै चर्चामा छ । लक्ष्मण रिजाल निर्माता रहेको चलचित्रको वितरण श्रीराम बालाजी फिल्मस् का सुनील मानन्धरले गर्दैछन् । यो फिल्ममा मुकुन भुसाल,मेनुका प्रधान,राजाराम पौडेल,सूर्यमाला खनाल,स्व.जयनन्द लामा,सुशील पोखरेल,प्रकाश घिमीरे,पुस्कर गुरुङ,अंशु मानन्धर,कविता न्यौपाने,देवेन्द्र बब्लु,कालु रानालगायतले अभिनय गरेका छन् ।
विज्ञान केसी र अरविन्द्र गिरी कार्यकारी निर्माता रहेको फिल्मको छायाँकन हरिबहादुर घलेले गरेका हुन् । अनिश अधिकारीको शब्द र संगीत रहेको चलचित्र तनहुँ जिल्लाको विभिन्न स्थानमा खिचिएको हो । ‘गणपति’ अत्यन्तै राम्रो भएकाले आफू यो फिल्ममा जोडिएको प्रस्तुतकर्ता रामप्रसाद रिजालले जानकारी दिएका छन् ।
‘बुलबुल’ र ‘झिंगेदाउ’ को सफलतापछि आफ्नो तेश्रो फिल्म ‘गणपति’ दर्शकमाझ आउन लागेकोमा अभिनेता मुकुन निकै उत्साहित छन् । उनि ‘गणपति’ आफ्नो लागि विशेष भएको बताउँछन् ।
