फिल्मी फ्राइडेः दर्शकमाझ दुई नयाँ फिल्म
फ्राइडे रिलिज अन्तर्गत शुक्रबारबाट दुई नयाँ फिल्म प्रदर्शनमा आएका छन् । नेपाली समाजको पुरानो यथार्थता बोल्ने भनिएको फिल्म ‘हुक्का : एन एब्सर्ड ड्रिम’ र हिमाली जिल्लामा विधमान बहूपति प्रथा बोल्ने भनिएको फिल्म ‘टुल्की’ एकसाथ रिलिज भएका हुन् ।
कुनै ठुला नाम चलेका कलाकार तथा कमजोर प्रचारबीच प्रदर्शनमा आएका दुबै फिल्म बक्स अफिसमा अपेक्षित होइनन् । एक समय एक विषय जोडेर निर्माणकै लागि मात्रै निर्माण हुने फिल्मको सुचीमा यी फिल्म छन् । गत बैशाख १ मा प्रदर्शनमा आएको ‘जारी’ पछि हलमा अन्य फिल्मको लागि दर्शकको उपस्थिति शुन्यप्रायः छ ।
शम्भु थापाको निर्देशनमा बनेको ‘हुक्का : एन एब्सर्ड ड्रिम’मा प्रकाश घिमिरे, सन्तोषकुमार आत्रेय, प्रमिला खनाल, तेज गिरी, अशु न्यौपाने, तलिसा गुरुङ, निश्चल विमल लगायतको अभिनय छ । देव थापाको निर्देशन रहेको ‘टुल्की’मा शिशिर वाङ्देल, स्वस्तिमा कार्की, सोफिया लिम्बू, नरेन्द्र तामाङ, सोम लामा, शेखर लामा, सौजन सुब्बा, भक्तसिंह कठायत लगायतको अभिनय छ ।
