‘परस्त्री’ नेपाल र भारतमा एकसाथ रिलिज हुने, पोस्टरमा बोल्ड शिल्पा

डीएस डिजिटलको ब्यानरमा निर्माण भएको फिल्म ‘परस्त्री’ नेपाल र भारतमा एकसाथ रिलिज हुने भएको छ । निर्माण टिमलके शुक्रबार फिल्मको पोस्टर सार्वजनिक गर्दै प्रदर्शन मिति तोक्यो । यो फिल्म आगामी असार १५ बाट प्रदर्शनमा आउनेछ ।

शिल्पा मास्के, कोसिस क्षेत्री र गौरव विष्ट लिड अभिनयमा रहेको फिल्मले विवाहेत्तर सम्बन्धको कथा बोल्नेछ । फिल्मको पोस्टरमा अभिनेत्री मास्के बोल्ड अबतारमा फिचर्ड छिन् । सुरज पाण्डेले यो फिल्मलाई निर्देशन गरेका छन् ।

नेपाल र भारतमा एकसाथ प्रदर्शनमा आउँदा फिल्म नेपाली र हिन्दी दुबै भाषामा आउनेछ । शर्मिला पाण्डे फिल्मकी निर्मात्री हुन् ।