सलमान खानको फिल्म ‘किसीका भाइ किसीका जान’ फ्लप, दुई हप्ताको कमाइ कति ?
बलिउड अभिनेता सलमान खानले निर्माण गरेको ‘किसीका भाइ किसीका जान’ बक्स अफिसमा असफल भएको छ ।
उनी निर्माता समेत रहेको फिल्मले २ हप्तामा एक सय ५ करोडको ग्रस कलेक्सन गरेपछि सलमान अभिनित फिल्मले फ्लपको ट्याग पाएको हो ।
प्रायः उनी अभिनित फिल्मले पहिलो विकेन्डमै सय करोडभन्दा बढीको व्यापार गर्ने गरेको थियो । यद्यपि केही समय यता उनका फिल्मले दर्शक प्रतिक्रियासँगै बक्स अफिसमा समेत कमाल देखाउन सकेका छैनन् ।
दक्षिण भारतीय फिल्म ‘भीरम’ को रिमेक भएतापनि यो फिल्मले समेत सलमानका फ्यानलाई खुशी बनाउन सकेन । जबकि, यसमा दक्षिण भारतीय स्टार वैंकटेस, पूजा हेग्डे लगायतका कलाकारहरूको समेत अभिनय रहेको छ ।
यो फिल्म एक सय ५० करोडमा निर्माण भएको थियो । यो फिल्मको वर्ल्डवाइड कलेक्सन भने हालसम्म १ सय ६३ करोड पुगेको छ ।
