रिलिजको तीन दिनपछि ‘प्रसाद २’ ले ल्यायो क्रान्ति !
गत शुक्रबारबाट प्रदर्शनमा आएको फिल्म ‘प्रसाद २’ मा समावेश गीत ‘क्रान्ति’ सार्वजनिक भएको छ । प्रदर्शनको तेस्रो दिनमा निर्माण टिमले फिल्मको गीत युट्यूव रिलिज गर्यो ।
सार्वजनिक गीतमा स्वर राजनराज शिवाकोटीको छ । शब्द तथा संगीत पनि शिवाकोटीको नै हो । गाउँमा निर्वाचनको माहोल बन्दै गर्दा परिवर्तनको पक्षमा स्थानीयले उठाएको आवाजलाई गीतको शब्द र दृश्यमा समावेश गरिएको छ । बिक्रम स्वाँरले भिडियो निर्देशन गरेका छन् ।
मध्यम ओपनिङ गरेको फिल्मले प्रिमियरदेखि नै दर्शकबाट सुखद प्रतिक्रिया पाइरहेको छ । समिक्षकहरूले मिश्रित प्रतिक्रिया जनाएका छन् । सुदर्शन थापा निर्देशित फिल्ममा विपिन कार्की, केकी अधिकारी, अर्पण थापा, महेश त्रिपाठी लगायत मुख्य अभिनयमा छन् ।
शुभाष थापाको प्रस्तुतिमा बनेको फिल्मका निर्माता सुदर्शन बस्नेत हुन् । यो फिल्ममा मिलन श्रेष्ठको सम्पादन छ । सुशील पौडेलले फिल्मको कथा तथा पटकथा लेखेका हुन् । अन्तरजातीय प्रेम र त्यसपछि उत्पन्न परिस्थितिको वरीपरि फिल्म घुमेको छ । फिल्मका विपिन, केकी, अर्पणले गरेको अभिनयको चौतर्फी तारिफ भइरहेको छ ।
