‘छक्का पञ्जा ४’ को किर्तिमान, १६ हलमा ५१ औं दिने प्रदर्शन
आमा सरस्वती मुभिजको प्रस्तुति फिल्म ‘छक्का पञ्जा ४’ले प्रदर्शनको ५१ औं दिने कोशेढुङ्गा पार गरेको छ । फिल्म हालसम्म पनि १६ वडा हलमा प्रदर्शनरत छ ।
गत फागुन १९ बाट प्रदर्शनमा आएको फिल्मले शनिबार दर्शक साक्षातको ५१ औं दिनमा पाइला टेकेको हो । दर्जनबढि हलमा फिल्म लागिराख्दा फिल्म अब १ सय दिने यात्रामा अघि बढ्नेछ । निर्माता तथा कलाकारद्वय दीपकराज गिरी र दीपाश्री निरौंलासहितको टिमका सदस्यहरूले सामाजिक सञ्जालबाट फिल्मको सफलताको खुशी साटेका छन् । फिल्मकर्मीहरूले बधाइ दिइरहेका छन् ।
५१ औं दिनमा आइपुग्दा फिल्मले हालसम्म १८ करोड बराबरको ग्रस कलेक्सन गरेको बताइएको छ । हेमराज बिसीको निर्देशन रहेको फिल्ममा दीपकराज गिरी, वेनिशा हमाल, दीपाश्री निरौला, निर्मल शर्मा, केदार घिमिरे, बुद्धि तामाङ, राज आचार्य, मलिना जोशी लगायतको अभिनय छ ।
