सुरक्षालाई मायाको खास्टो ओढाउँदै विराज |भिडियो
शुक्रबारबाट प्रदर्शनमा आएको फिल्म ‘बुलाकी’मा समावेश गीत ‘यो खास्टो मायाको’ सार्वजनिक गरिएको छ । रिलिजको भोलिपल्ट निर्माण टिमले फिल्ममा समावेश नयाँ गीत सार्वजनिक गरेको हो ।
सार्वजनिक गीतमा अभिनेत्री सुरक्षा पन्त र अभिनेता विराज विष्टलाई रोमान्टिम अबतारमा देख्न सकिन्छ । गीतमा श्रीकृष्ण बम मल्लको शब्द तथा संगीत र शिव परियार र प्रविशा अधिकारीको स्वर छ । डोल्पामा खिचिएको गीतमा फिल्मका निर्देशक लक्ष्मण सुनारको कोरियोग्राफी छ ।
स्व. मोती विष्टको प्रस्तुति र टोपेन्द्र विष्टको निर्माणमा बनेको फिल्ममा सुरक्षा र विराजसँगै नरेन खड्का, रमेश बुढाथोकी, लक्ष्मी गिरी, कुलदीप अधिकारी, सुशील पोखरेल, झलनाथ खत्री, प्रकाश कँडेल, सरस्वती खत्री, धनवहादर राई, लक्ष्मण देवकोटा, बसन्त उदास, सोनु सेढाइ अभिनयमा छन् ।
छत्रेश्वरी म्यानेजमेन्टको ब्यानरमा बनेको फिल्मलाई शिव ढकालले खिचेका छन् । फिल्ममा अर्जुन जिसी र लक्ष्मण सुनारको सम्पादन छ । यो फिल्मको कथा राज बहादुर सानेको हो । नयाँ बर्षको अबसरमा रिलिज भएको फिल्मले कम शोज पाउनुका बाबजुत सुखद ओपनिङ गरेको छ ।
