‘नाईं नभन्नु ल ६’ शीर्ष गीत सार्वजनिक
विकासराज आचार्यको निर्देशनमा बनेको हिट सिरिज ‘नाइं नभन्नु ल’को छैटौं सिक्वेको शीर्ष गीत सार्वजनिक भएको छ । शुक्रबार युट्युवमार्फत वर्ल्ड प्रिमियर गरिएको फिल्मको ‘टाइटल गीत’मा मुख्य कलाकारद्वय आँचल शर्मा र डेब्यू ब्वाई आशिर्वाद क्षेत्री फिचर्ड छन् ।
गीतमा स्वर प्रताप दासको छ भने वसन्त सापकोटाको संगीत रहँदा शब्द लेखनमा सापकोटासँग निर्देशक आचार्यसहित दिनेश थपलिया र प्रभा आचार्यले सहकार्य गरेका छन् ।
बैशाख १ गतेलाई प्रदर्शन मिति तोकेको फिल्मको कथा निर्देशक आचार्यसँगै सामिप्यराज तिमल्सिना र अरुणदेव जोशीको हो । पुरुषोत्तम प्रधानको छायांकन रहेको फिल्ममा सम्पादन सन्देश शाहको छ ।
आख्यान फिल्म्सको ब्यानरमा निर्माण भएको फिल्मको निर्मातामा विकासराज आचार्य र विष्णुमणि दाहाल छन् भने सञ्जय न्यौपाने, रमेश चौधरी, पुरुषोत्तम प्रधान कार्यकारी निर्मातामा छन् । फिल्ममा हिमाल केसीको द्वन्द्व निर्देशन, पुरुषोत्तम प्रधानको छायांकन, सन्देश शाहको सम्पादन, एलिस कार्कीको ब्याकग्राउन्ड स्कोर, कविराज गहतराज र मनोज विश्वकर्माको कोरियोग्राफी रहेको छ ।
यो फिल्ममा आँचल र आशिर्वादसँगै अनुभव रेग्मी, केकी अधिकारी, प्रियंका कार्की, सरोज खनाल, निखिल उप्रेती र सञ्चिता लुइँटेलका छोरा अर्थवको पनि मुख्य भूमिका छ ।
