ट्रेलरमा हेर्नुहोस् दयाहाङ र प्रकृतिको ‘बिहे पास’
बैशाख १ गते (२०८०)लाई प्रदर्शन मिति तय गरेको फिल्म ‘बिहे पास’को अफिसियल ट्रेलर सार्वजनिक भएको छ । आरआर फिल्मस् को ब्यानरमा तयार भएको फिल्मको ट्रेलरमा अभिनेता दयाहाङ राई र अभिनेत्री प्रकृति श्रेष्ठ हाबी छन् ।
फिल्मको ट्रेलरमा दयाहाङले सरकारी जागिरको लागि गरेको संघर्षको कथा जोडिएको छ । प्रकृतिलाई एक सरकारी कार्यालयको अधिकृतको रूपमा देखाइएको छ । फेमिली ड्रामामा बनेको फिल्मप्रति दर्शक आकर्षणको केन्द्र बनाउने गरि निर्माण टिमले शुक्रबार ट्रेलर सार्वजनिक गरेको हो ।
प्रवेश पौडेलको निर्देशनमा बनेको फिल्ममा दयाहाङ र प्रकृतिसँगै रविन्द्र झा, बुद्धि तामाङ, शिशिर बाङ्गदेल, श्याम राई, विहाल पहारी, सुवास गजुरेल, हिउँवाला गौतम, रुषा न्यौपाने, प्रकाश भुजेल, नविन शेरचनको अभिनय छ ।
शिव ढकालको छायांकनमा बनेको फिल्मलाई मित्र डि. गुरुङले सम्पादन गरेका छन् । रोहित कट्टेलको प्रस्तुतिमा बनेको यो फिल्ममा रत्न श्रेष्ठ कार्यकारी निर्मातामा छन् । रोजन श्रेष्ठ निर्माता रहेको फिल्मको सह-निर्मातामा ग्याल्जेन लामा र बालकृष्ण पाख्रिन छन् । आरआर फिल्मस् ले फिल्मलाई वितरण गर्नेछ ।
