दयाहाङ स्टारर ‘जारी’ अफिसियल ट्रेलर रिलिज |भिडियो
नयाँ बर्ष २०८० को अबसरमा आगामी बैशाख १ गतेलाई प्रदर्शन मिति तोकेको फिल्म ‘जारी’को ट्रेलर सार्वजनिक भएको छ । पुर्बी नेपालको लिम्बु समुदायमा विधमान जारीप्रथाको कथा बोलेको फिल्मको केन्द्रमा अभिनेता दयाहाङ राई छन् ।
उपेन्द्र सुब्बाको लेखन तथा निर्देशनमा बनेको फिल्ममा त्रिपक्षिय द्वन्द्व जोडिएको ट्रेलरले बोल्छ । मुख्य अभिनेत्री मिरुना मगर अर्का अभिनेता रोयदीपको बनेपछि दयाहाङले फिर्ता ल्याउने संघर्षमा फिल्म केन्द्रीत छ ।
‘कबड्डी’ फेम्ड निर्देशक रामबाबु गुरुङको निर्माणमा बनेको फिल्ममा प्रेम सुब्बा, विजय बराल, रेखा लिम्बु, अनिल सुब्बा, पुष्कर गुरुङ, कमलमणी नेपाल लगायत अभिनयमा छन् । फिल्ममा निमेष श्रेष्ठको सम्पादन तथा शैलेन्द्र डी. कार्कीको छायांकन छ ।
बैशाख १ गते नै जारीप्रथामा अधारित फिल्म ‘बुलाकी’ पनि प्रदर्शनमा आउँदैछ । भने दयाहाङकै अभिनय रहेको फिल्म ‘बिहेपास’ पनि रिलिज कन्फर्म हुँदा विकासराज आचार्य निर्देशित ‘नाइ नभन्नु ल ६’ पनि सोहि मितिमा रिलिज हुनेछ ।
