‘प्रसाद २’को मार्सी धानः विपिन र केकीसँगै सरोज र आश्माको छमछमी |भिडियो
वर्षको प्रतिक्षित फिल्म मध्येको एक ‘प्रसाद २’मा समावेश पहिलो गीत सार्वजनिक भएको छ । निर्माण टिमले मंगलबार युट्युवमार्फत वर्ल्ड प्रिमियर गरेको गीतमा मुख्य कलाकारद्वय अभिनेता विपिन कार्की र अभिनेत्री केकी अधिकारीको साथमा चर्चीत डान्स ग्रूप कार्टुन क्रूका सरोज अधिकारी र आश्मा विश्वकर्माले ठूम्का लगाएका छन् ।
सार्वजनिक ‘मार्सी धान’ बोलको गीतमा स्वर राजनराज शिवाकोटी र मिलन नेवारको छ । गीतमा शब्द तथा संगीत पनि शिवाकोटीको नै छ । मौलिक नेपाली शब्दहरूको संयोजनमा गीत तयार भएको छ, गीतको संगीत पनि मधुर छ । भिडियोमा कोरियोग्राफी विक्रम स्वांरले गरेका छन् ।
यहि चैत्र २४ लाई प्रदर्शन मिति तोकेको यो फिल्म शुभाष थापाको प्रस्तुतिमा सुदर्शन थापाको निर्देशनमा बनेको हो । फिल्मको निर्मातामा सुदर्शन बस्नेत छन् । ‘प्रसाद २’मा विपिन र केकीसँगै अर्पण थापा, महेश त्रिपाठी, कमलमणी नेपाल लगायत अभिनयमा छन् । सुशिल पौडेल फिल्मका लेखक हुन् ।
राजेश श्रेष्ठको छायांकन रहेको फिल्ममा मिलन श्रेष्ठको सम्पादन छ । निर्देशन थापाले सामाजिक कथावस्तुमा उत्कृष्ट फिल्म बनेको दाबी गरेका छन् । यो फिल्म केहि वर्ष पहिले सार्वजनिक फिल्म ‘प्रसाद’को सिक्वेल हो । फिल्मले जातीयताको कारण दुई पात्रको पारिवारिक जीवनमा आउने उतारचढावको कथा बोल्छ ।
गीत हेर्नुहोसः
