नारीप्रधान फिल्म ‘जुलेबी’को फर्स्टलुक सार्वजनिक

नारी दिवसको अवसर पारेर फिल्म ‘जुलेबी’को फर्स्टलुक सार्वजनिक गरिएको छ । यो फिल्ममा सुरक्षा पन्त, उषा रजक, निशा अधिकारी र मोनिका थापा मुख्य भूमिका रहेका छन् भने सुशील सिटौला , पुष्कर कार्की , तुफान थापा लगायतका कलाकारको अभिनय रहेको छ।

फोर क्युब इन्टरटेन्मेन्टको ब्यानरमा बनेको यो फिल्ममा चार नारी पात्रको कथा समेटिएको छ । फिल्मलाई निर्देशक गणेश देव पाण्डेले निर्देशन गरेका हुन् । उनले यस अघि ‘मन्जरी’, ‘गाँजाबाजा’ जस्ता फिल्म निर्देशन गरिसकेका छन् ।

एथोलजी विधामा रहेको यस फिल्ममा नारी पात्रको सशक्त र अब्बल अभिनय रहेको छ । फिल्मलाई आभा शर्मा नेपालले निर्माण गरेकी हुन् । फिल्म नारीप्रधान भएकै कारण निर्माण टिमले ‘नारी दिवस’को दिन फर्स्टलुक सार्वजनिक गर्दै प्रचार थालनी गरेको हो ।