कुमार शिवाकोटीको ‘ भिजाएर आँशु’मा उषा र सुधिर |भिडियो

काठमाडौं । नेपाली समाजमा रहेको दुई पुस्ता बीचको द्वन्द्वको कथालाई समेटेर तयार पारिएको ‘आँशु’ बोलको गीतको  म्युजिक भिडियो सार्वजनिक भएको छ। गायक रामकृष्ण ढकालको सुमधुर स्वरमा सजिएको यस गीतलाई अमेरिकाको पेन्सिलभेनिया निवासी गीतकार कुमार सिवाकोटीले लेखेका हुन्। दिपक शर्माले संगीतवद्द गरेको यस गीतमा  फणिन्द्र राईको  संगीत संयोजन रहेको छ।

सुजन श्रेष्ठले छायाँकन गरेको यस  म्युजिक भिडियोमा कलाकारहरु सुधिर श्रेष्ठ, उषा उप्रेती, सुरवीर पण्डित र हिउँवाला गौतमको अभिनय रहेको छ। भिडियोलाई बिष्णु खड्काले सम्पादन गरेका हुन्।  मुनालशिशिर कोइरालाको निर्देशनमा भिडियो तयार पारिएको हो ।

२०५८ साल देखि नेपाली संगीतमा सक्रिय गीतकार कुमार सिवाकोटीको शब्दमा हाल  १५० बढी गीतहरु सार्वजनिक भईसकेका छन्। अमेरिकामा बसोबास गर्दै आइरहेका सिवाकोटी  विभिन्न व्यवसायमा आवद्द छन् ।