ट्रेलरमा हेर्नुहोस् ‘छक्का पञ्जा ४’ |भिडियो
फागुन १९ लाई प्रदर्शन मिति तोकेको यो वर्षकै प्रतिक्षित फिल्म ‘छक्का पञ्जा ४’ को ट्रेलर सार्वजनिक भएको छ । फिल्मको शुक्रबार सार्वजनिक ३ मिनेट २० सेकेन्डको ट्रेलरमा देशमा विधमान राजनीतिक विकृतिलाई समेटिएको छ । फिल्मको कथावस्तु त्यसैमा घुमेको भान हुन्छ ।
ट्रेलरमा अभिनेता दीपकराज गिरी हाबी छन् । साथमा केदार घिमिरे, विद्धि तामाङलाई पनि प्राथमिकताका साथ प्रस्तुत गरिएको छ । हेमराज विसीको निर्देशनमा तयार भएको फिल्मको यसअघि सार्वजनिक ‘चट्ट सलाम’ बोलको गीत हिट लिस्टमा छ ।
यो फिल्ममा दीपकराज गिरी, केदार घिमिरे, वुद्धि तामाङ, नीर शाह, निर्मल शर्मा, राज आचार्य, सुष्मा निरौला, वेदना राई, मलिना जोशी, सविन बाँस्तोला, रमेश बुढाथोकी, दीपाश्री निरौला लगायतको अभिनय छ । फिल्मलाई नरेन्द्र मैनालीले खिचेका हुन् ।
निमेष श्रेष्ठको सम्पादन रहेको फिल्ममा रोशन श्रेष्ठको द्वन्द्व निर्देशन छ । आमा सरस्वती मुभिज र आइएमईको संयुक्त प्रस्तुति रहेको फिल्मको कथा पटकथा र संवाद दीपकले नै लेखेका हुन् । कार्यकारी निर्मातामा केदारप्रसाद घिमिरे र निर्मल शर्मा छन् ।
