‘कामिनो’बाट राजबल्लभको कमब्याक पक्का
दीपक वलीको निर्देशनमा निर्माण घोषणा भएको फिल्म ‘कामिनो’मा कलाकार अनुबन्ध हुनेक्रम जारी छ । अभिनेता प्रदीप खड्का र अभिनेत्री वर्षा शिवाकोटी अनुबन्ध भइसकेको फिल्ममा अर्को मुख्य भुमिकालाई अभिनेता राजबल्लभ कोईराला अनुबन्ध भएका छन् ।
निर्देशक वलीले सामाजिक सञ्जालमा तश्विर सेयर गर्दै कोईराला अनुबन्ध भएको जानकारी गराएका हुन् । वलीले लेखेका छन्, ‘लोकप्रिय अभिनेता राजबल्लभ कोईराला दाईलाई चलचित्र ‘कामिनो’मा स्वागत गर्दछौं ।’ पछिल्लो पटक ‘छ एकान छ’ फिल्ममा देखिएका उनि त्यसयता नेपाली फिल्ममा देखिएका थिएनन् । योसँगै १० वर्षपछि ‘पर्खि बसे’ डेब्यू अभिनेता कोईरालाको नेपाली फिल्ममा कमब्याक पक्का भएको छ ।
फिल्ममा अनुबन्ध भएको जानकारी गराउँदै कोईरालाले फेसबुकमा लेखेका छन्, ‘दाई नेपाली चलचित्रमा फेरी कहिले आउनु हुन्छ? यो बर्ष, ‘कामिनो’सँगै ।’ पछिल्लो समय उनि अमेरिकामा बस्दै आएका छन् । नेपाली, हिन्दी र स्पेनिस भाषामा बन्न लागेको यो फिल्म एक्सेस नेपाल फिल्मस् को ब्यानरमा बन्नेछ । महेश दवाडीले लेखेको फिल्ममा सुनील बिष्ट गौली कार्यकारी निर्माता छन् ।
