टिजरमा हेर्नुहोस् पोस्टरबाटै चर्चा पाएको ‘बुलाकी’ |भिडियो
केहि दिन पहिले मात्रै नयाँ बर्ष बैशाख १ लाई प्रदर्शन मिति तोकेको फिल्म ‘बुलाकी’को टिजर सार्वजनिक भएको छ । निर्माण टिमले शुक्रबार फिल्मको टिजर सार्वजनिक गर्दै प्रचार थालनी गरेको हो ।
पश्चिम नेपालको कर्णालीमा हालसम्म पनि यथावत रहेको ‘जारी प्रथा’को कथा उठान गरेको फिल्मको टिजर ‘प्रमिसिङ’ छ । पोस्टर सार्वजनिक भएसँगै चर्चामा रहेको फिल्मको टिजर दर्शकलाई फिल्मप्रतिको कौतुहलता बढाउन सफल बन्ने देखिन्छ ।
लक्ष्मण सुनारको निर्देशनमा तयार भएको फिल्ममा सुरक्षा पन्त, नरेन खड्का र विराज बिष्ट मुख्य अभिनयमा छन् । स्व. मोति बिष्टको प्रस्तुति र टोपेन्द्र बिष्ट निर्माता रहेको फिल्ममा नरेन सुरक्षा र विराजसँगै प्रकाश कँडेल, रमेश बुढाथोकी, सरस्वती खत्री, सुशील पोखरेल, लक्ष्मी गिरी, कुलदीप अधिकारी, झलनाथ खत्री, उपासना वाइबा,सोनु सेढाइ, धनबहादुर राई, वसन्त परियार, लक्ष्मण देवकोटा लगायतलाई पनि देख्न सकिनेछ ।
शिव ढकालले खिचेको फिल्ममा गोविन्द मधुर आचार्य, श्रीकृष्ण बम मल्ल र बादल थापाको संगीत समावेश छ । फिल्मको सम्पुर्णजसो छायांकन पश्चिम नेपालको जाजरकोट, रुकुम र डोल्पामा गरिएको छ ।
