फिल्मी फ्राइडेः दर्शकमाझ आए ‘मनसँग मन’ र ‘आँधी तुफान २’
शुक्रबारबाट नेपाली पर्दामा दुई फिल्म ‘मनसँग मन’ र ‘आँधी तुफान २’प्रदर्शनमा आएका छन् । पुष्प खड्का र वर्षा सिवाकोटीको प्रमुख भूमिका रहेको फिल्म ‘मनसँग मन’लाई कैलाश राई निर्देशन गरेका छन् ।
लभस्टोरी जनराको उक्त फिल्मले प्रेम र बदलाको कथा बोल्छ । फिल्ममा रविन्द्र झा र बुद्धि तामाङको पनि अभिनय छ । फिल्मको एक गीतमा पल शाह र पूजा शर्माले नृत्य गरेका छन् ।
यस्तै शुक्रबार नै मदन घिमिरे निर्देशित ‘आँधी तुफान २’पनि हलमा आएको छ । मौनता श्रेष्ठको निर्माण तथा लेखन रहेको फिल्ममा कनिजका कोइराला, आरती आचार्य, याङ्सु श्रेष्ठ, सञ्जीत भण्डारी, मुकुन्द थापा, पुस्कर राउत, सञ्जय खतिवडा, सिवन लामा, रवि गिरी, राजाराम गौतमको अभिनय छ ।
