शुक्रबारबाट दर्शकमाझ ‘ह्यारीकी प्यारी’
शुक्रबारबाट फिल्म ‘ह्यारीकी प्यारी’ प्रदर्शनमा आएको छ । साम्राज्ञी राज्यलक्ष्मी शाह र जीतु नेपाल स्टारर फिल्म सोलो रिलिज भएको हो । केहि दिन पहिले सम्पन्न प्रिमियरमा उपस्थित दर्शक तथा कलाकर्मीबाट सुखद प्रतिक्रिया पाएको फिल्म दर्शकमाझ आएको हो ।
सामाजिक कथामा बनेको फिल्ममा जीतु साम्राज्ञी विजय बरालको भुमिकाले तारिफ जित्दा निर्माण टिम दर्शकको मन जित्नेमा आशावादी छ । फिल्मलाई कपिल रिजालले निर्देशन गरेका छन् । डा. रिजालको यो डेब्यू निर्देशन हो ।
बिआर प्रोडक्सनकको प्रस्तुतिमा निर्देशक रिजाल नै प्रस्तुतकर्ता रहेको फिल्ममा लक्ष्मी गिरी, सुवास गजुरेल, नरेश पौडेल, रञ्जना भट्टराई, समिक्षा पौडेल, रमेश अधिकारी, डिल्लीराम खनालको पनि अभिनय छ ।
फिल्मको कथा निर्देशक रिजालको नै हो भने सुदीप बराल, गिरीराज घिमिरे, डा. रिजाल, अभिमन्यू निरवीले मिलेर पटकथा तथा संवाद लेखेका हुन्। फिल्ममा सुदिप बरालको सिनेमाटोग्राफी छ ।
