‘बिहेपास’ पोस्टर सार्वजनिक, नयाँबर्ष रिलिज घोषणा
नयाँ वर्ष २०८० लक्षित गरेर फिल्म घोषणाको क्रम तीब्र छ । यसअघि नै ‘भगवत् गीता’, ‘नाईं नभन्नू ल ६’, ‘प्रसाद २’ र ‘जारी’ गरि चार फिल्मले उक्त मितिमा प्रदर्शन घोषणा गरिसक्दा अब अर्को फिल्म थपिएको छ । दयाहाङ राई र प्रकृति श्रेष्ठ स्टारर फिल्म ‘बिहे पास’ पनि सोही मितिमा प्रदर्शन हुने घोषणा गरिएको छ ।
सरस्वती पूजाको अवसरमा बिहिबार फर्स्टलुक पोस्टर सार्वजनिक गर्दै निर्माण टिमले प्रदर्शन मिति तोक्यो । आफ्नै फिल्म ‘जारी’सँग एकै मितिमा भिड्नुपर्ने अवस्था आउँदा सार्वजनिक पोस्टरमा दयालाई प्रकृतिसँग बेहुलाबेहुली अबतारमा मालासहित देखिन्छन् । दोस्रो पोस्टरमा अन्य कलाकार पनि अटाएका छन् ।
प्रवेश पौडेलको निर्देशनमा बनेको फिल्ममा दया र प्रकृतिसँगै रविन्द्र झा, बुद्धि तामाङ, शिशिर बाङ्गदेल श्याम राई, विहाल पहारी, सुवास गजुरेल, हिउँवाला गौतम, रुषा न्यौपाने, प्रकाश भुजेल, नविन शेरचनको पनि अभिनय छ ।
रोहित कट्टेलको प्रस्तुतिमा बनेको यो फिल्ममा रत्न श्रेष्ठ कार्यकारी निर्मातामा छन् । रोजन श्रेष्ठ निर्माता रहेको फिल्मको सह-निर्मातामा ग्याल्जेन लामा र बालकृष्ण पाख्रिन छन् । आरआर फिल्मस् ले फिल्मलाई वितरण गर्नेछ ।
