नाजिर स्टारर ‘गुलावी’ फर्स्टलुक सार्वजनिक

अभिनेता नाजिर हुसेनको मुख्य अभिनय रहेको चलचित्र ‘गुलावी’को फर्स्टलुक पोस्टर सार्वजनिक गरिएको छ । सरस्वति पूजाको अबसरमा बिहिबार निर्माण युनिटले फिल्मको पहिलो लुक्स आउट गरेको हो ।

समुन्द्र भट्टको निर्देशनमा तयार सिनेमामा अभिनेता नाजिर हुसेन ट्रान्सवुमनको भुमिकामा देखिएका छन । पारलैंगिक कथामा बनेको फिल्मको पोस्टरमा नाजिरलाई भिन्न अबतारमा देख्न सकिन्छ । पोस्टरमा नाजिर गाजल टिकी र नथिया लुकमा छन् । नेपालमा पहिलो पटक पूर्ण रुपमा ट्रान्स स्टोरीमा यो फिल्म निर्माण भएको हो ।

द स्काइ ओसन इन्टरटेन्मेन्टको ब्यानरमा निर्मित फिल्मलाई आलोक शुक्लाले छायांकन गरेका हुन् । फिल्ममा संगीत लेखु सहयात्री र सान भुषालले भरेका छन । यो फिल्ममा नाजिरससंगै संचिता लुइँटेल, सुशिल सिटौला, राजकुमार घोष, शिशिर राणा, अनुपम श्रेष्ठ, विशाल पहारी लगायतका कलाकार अभिनयमा छन् ।