‘फूलबारी’ ट्रेलर, दर्शकलाई प्रतिक्षित बनाउने रामबाबुको हतियार |भिडियो

प्रतिक्षित फिल्म ‘फूलबारी’को ट्रेलर रिलिज भएको छ । ट्रेलरमा फिल्मका प्रमुख पात्र सबै जसोलाई देख्न सकिन्छ । पारिवारिक कथामा बनेको फिल्मको ट्रेलर ‘प्रमिसिङ’ देखिन्छ ।

‘कबड्डी’ फेम्ड रामबाबु गुरुङको निर्देशन रहेको फिल्म ‘माया रैछ र’ बोलको गीतबाटै प्रतिक्षित बनिसकेको छ । यसअघि टिजरले खडा गरेको हाइपलाई निर्देशक गुरुङले ट्रेलरसम्म आइपुग्दा मर्न दिएका छैनन् । फिल्मको केन्द्रीय द्वन्द्व परिवार भित्रको प्रेम र विछोड जोडिँदा ट्रेलर दर्शकको लागि आकर्षक र फिल्म प्रतिक्षित बनेको छ ।

यो फिल्ममा दयाहाङ राई, विपिन कार्की, प्रियंका कार्की, अरूणा कार्की, गौमाया गुरुङ, रुजा राउत, रुपेश दाहाल, सुमित्रा गोम्जा, कायरा कार्की, सोफिया राई लगायत अभिनयमा छन् । आगामी फागुन ५ फिल्मको प्रदर्शन मिति हो ।