रामबाबुको निर्माण र उपेन्द्रको निर्देशनः ‘जारी’, नयाँ बर्ष रिलिज घोषणा

उपेन्द्र सुब्बाको लेखन तथा निर्देशनमा बनेको फिल्म ‘जारी’ले प्रदर्शन मिति तय गरेको छ । निर्माण टिमले सोमबार यो फिल्मलाई आगामी नयाँ वर्ष २०८० को छेकोमा प्रदर्शन गर्ने गोषणा गरेको हो । यो फिल्म अब आगामी बैशाख १ गते रिलिज हुनेछ ।

‘कबड्डी’ निर्देशक रामबाबु गुरुङ निर्माता रहेको फिल्मको पोस्टर रिलिज गर्दै निर्माण टिमले रिलिज लक गरेको हो । सार्वजनिक पोस्टरमा फिल्मका मुख्य कलाकारद्वय दयाहाङ राई र मिरुना मगर फिचर्ड छन् ।

नेपाली लिम्बू समुदायको प्रेमकहानीमा बनेको फिल्मले अर्कैले लगेकी आफ्नी श्रीमती फिर्ता ल्याउन गर्ने संघर्को कथा पेस गर्छ । यो फिल्ममा विजय बराल, रोयदीप श्रेष्ठ, रेखा लिम्बू, कमलमणी नेपाल, पुष्कर गुरुङलगायतको पनि अभिनय देख्न सकिनेछ ।