राउतको निर्देशनमा स्वप्न सुमनको फिल्म डेब्यू पक्का

युवा पुस्ताका चर्चीत गायक स्वप्नसुमन अब फिल्म डेब्यूलाई तयार भएका छन् । हालै निर्देशक दिनेश राउतको निर्देशनमा बन्ने एक लभस्टोरी फिल्मको लागि स्वप्नसुमनसँग सम्झौता भएको हो ।

पछिल्लो फिल्म ‘प्रकाश’ रिलिजको छेकोमा मुख्य कलाकारको लागि स्वप्न सुमनसँग राउतले सम्झौता गरेको बताइएको छ । यो फिल्मको पटकथा विकास सुवेदीले लेखिरहेका छन् । आगामी बैशाखबाट फिल्म फ्लोरमा जाने बताइएको छ ।

सम्पूर्ण छायांकन काठमाडौंमा हुने फिल्मको बारे निर्देसन राउतले भनेका छन्, ‘यो फिल्म आम लभस्टोरी फिल्म भन्दा भिन्न हुनेछ, शहरी सभ्यताभित्रको ढोंग र प्रेम फिल्मको कथासार हो ।’ फिल्मका अन्य कास्ट एण्ड क्रू सार्वजनिक छैनन् ।