हेर्नुहोस् ‘ह्यारी कि प्यारी’ आकर्षक ट्रेलर
जितु नेपाल र साम्राज्ञी राज्यलक्ष्मी शाह स्टारर फिल्म ‘ह्यारी कि प्यारी’को ट्रेलर सार्वजनिक गरिएको छ । नेपाली सामाजिक र पारिवारिक कथा समेटेको फिल्मको ट्रेलर आकर्षक बनाइएको छ ।
ट्रेलरले फिल्मप्रति दर्शक कौतुहल बनाउने देखिन्छ । जितु र साम्राज्ञी ट्रेलरमा हाबी छन् । ट्रेलरले यो फिल्मलाई प्रतिक्षित सुचीमा उभ्याएको छ ।
बिआर प्रोडक्सनको प्रस्तुतिमा निर्माण भएको फिल्ममा जितु र साम्राज्ञीसँगै विजय बराल, लक्ष्मी गिरी, सुवास गजुरेल, नरेश पौडेल, रञ्जना भट्टराई, समिक्षा पौडेल, रमेश अधिकारी, डिल्लीराम खनाललगायतको पनि अभिनय छ ।
यो फिल्मको प्रस्तुतकर्ता निर्देशक रिजाल नै हुन् । यो फिल्ममा निर्देशक रिजालको कथा समावेश हुँदा सुदीप बरालले क्यामेरा चलाएका छन् । गिरीराज घिमिरे, डा. रिजाल, अभिमन्यू निरवीले मिलेर पटकथा तथा संवाद लेखेका हुन् भने अर्जुन जिसी सम्पादक छन् । आगामी माघ २० गतेबाट यो फिल्म प्रदर्शनमा आउनेछ ।
