‘गुञ्जन’ ट्रेलर: प्रितम र साराको प्रेममा कबिर भिलेन ! |भिडियो
आगामी पौष २९ गतेलाई प्रदर्शन मिति तोकेको फिल्म ‘गुञ्जन’को दोस्रो ट्रेलर सार्वजनिक गरिएको छ । बिहीबार राजधानीमा आयोजित एक कार्यक्रमका बीच निर्माण टिमले फिल्मको ट्रेलर रिलिज गर्यो ।
सार्वजनिक ट्रेलरमा मुख्य पात्रहरूबीचको त्रिकोणात्मक प्रेम देखाइएको छ । मुख्य अभिनेत्री सारा सिर्पाली र डेब्यू अभिनेता प्रितमराज सेन्चुरीबीचको प्रेममा अर्का अभिनेता कबिर खड्काको प्रवेशले निम्त्याउने उतारचढाव फिल्मले बोलेको ट्रेलरले छनक दिन्छ ।
एएच इन्टरटेनमेन्ट र हिराकृष्ण शाही फिल्मस्को ब्यानरमा निर्मित यो फिल्ममा सारा, प्रितम र कबीरसँगै सरोज खनाल, हिउँवाला गौतम, रोहन शाही, निरुता स्याङतान, कन्चन चालिसे, इभा श्रेष्ठ, रोहण शाहीलगायतको अभिनय रहेको छ । हिराकृष्ण शाहीको प्रस्तुकर्ता रहेको फिल्मको निर्माता सुनिता शाही हुन् ।
रोमान्टिक जनराको यो फिल्ममा राजेश श्रेष्ठको छायांकन छ भने विपिन मल्लको सम्पादन समावेश छ । यो फिल्मलाई वितरणको जिम्मा काठमाडौंमा जीजीए ग्रुप र मोफसलमा एफडी कम्पनीले लिएको छ ।
