हरर थ्रिलर ‘चि मुसी चि’ ट्रेलर रिलिज
हरर थ्रिलर जनरामा निर्मित फिल्म ‘चि मुसी चि: इभन डेड डिजायर बिलोङ्गिङ’को ट्रेलर रिलिज गरिएको छ । सार्वजनिक २ मिनेट ५२ सेकेण्ड लामो ट्रेलरले एक अदृश्य शक्तिसंग बच्न पात्रहरुले गर्नु परेको संघर्षको कथा बोलेको छ । एक अपरिचित बालिकाको वरिपरि ट्रेलरले चक्कर कटाउँछ ।
मिर्ना जेम्स र यश सैनी निर्देशित फिल्म मिर्ना र यश कै कथा/पटकथा मा बनेको हो । फिल्ममा ऋचा शर्मा, प्रियंका कार्की, बेनिशा हमाल, आयुषमान देशराज जोशी, रविन्द्र झा, राजन खतिवडा, गौरव विष्ट, अरुण चक्रवर्तीलगायतका कलाकारहरुको अभिनय छ ।
यहि पौष २२ देखि अलनेपाल प्रदर्शनमा आउने फिल्ममा सुशन प्रजापतिको छायांकन र यश सैनीको सम्पादन छ ।
