ट्रेलरमा हेर्नुहोस् पुष्प र साम्राज्ञीको ‘तिम्रो मेरो साथ’ |भिडियो
साम्राज्ञी राज्यलक्ष्मी शाह र पुष्प खड्का स्टारर फिल्म ‘तिम्रो मेरो साथ’को ट्रेलर रिलिज भएको छ । रमेश एमके पौडेलको निर्देशन एवं निर्माण रहेको फिल्मको ट्रेलरले प्रेम, धोका र वदलाको भाव बोल्छ ।
यो फिल्ममा अभिनेता पुष्पले साम्राज्ञी र डेब्यु गर्ल इमिली लामासँग जोडी बाँधेका छन् । पुष्पको दुईतर्फी प्रेम र उनिप्रति साम्राज्ञीको एकतर्फी प्रेमले कथामा द्वन्द्व पैदा गरिएको छ ।
सबिर श्रेष्ठको लेखन तथा कार्यकारी निर्माण रहेको जोडीमा पुष्प, साम्राज्ञी र इमिलीसंगै सन्दीप क्षेत्री, सरोज खनाल, खड्क बहादुर पुन, दिपिशा केसीलगायतका कलाकारहरुको अभिनय छ ।
यो फिल्म सबिर श्रेष्ठ र बाबुराम निरौलाको स्क्रिप्टमा निर्माण भएको हो । शिव ढकालको छायांकन, सुवाष भुषाल/योगेश काजीको संगीत, रामजी लामिछानेको कोरियोग्राफी र भुपेन्द्र अधिकारीको सम्पादन रहेको छ ।
पासाङ लामा, अर्नव पौडेल र आर्यन पौडेलको लगानीमा निर्मित फिल्मको सहनिर्मातामा नीरु भण्डारी, अशोक पोखरेल, सुमन पौडेल र सुधिर पराजुली रहेका छन् । यहि पौष २९ देखि फिल्म दर्शकमाझ आउँदैछ ।
