रामबाबु निर्देशित ‘फूलबारी’ टिजर रिलिज |भिडियो
कबड्डी फेम्ड निर्देशक रामबाबु गुरुङको निर्देशनमा तयार भएको फिल्म ‘फूलबारी’को टिजर सार्वजनिक गरिएको छ । सार्वजनिक २ मिनेट २ सेकेण्ड लामो टिजरले पारिवारिक कथाको झल्को दिन्छ । टिजरमा प्राय मुख्य कलाकारहरु अटाएका छन् । विपिन कार्की र अरुणा कार्कीले दम्पतिको भूमिका देखिएका छन् ।
यो फिल्ममा विपिन र अरुणासँगै दयाहाङ राई, प्रियंका कार्की, गौमाया गुरुङ, शिल्पा मास्के, अनुपम शर्मा, सोमनाथ खनाल, मनिष ढकाल, लोकेन्द्र लेखकलगायतका कलाकारहरुको अभिनय समावेश छ ।
अभिभावक र सन्तानबीचको सम्बन्धको कथा भन्ने फिल्मको कथा कमलकिशोर मलपानीको हो भने पटकथा उपेन्द्र सुब्बाको छ ।
जोश हेरुमको छायांकन रहेको यो फिल्ममा कालीप्रसाद बाँस्कोटा र अनुपम शर्माको संगीत रहँदा सम्पादनको काम निमेष श्रेष्ठले गरेका छन् ।
यसोदा फिल्म्सको ब्यानरमा निर्माण भएको फिल्मले फागुन ५ गतेलाई सार्वजनिक प्रदर्शनको मिति तोकेको छ । फिल्ममा मनिष ढकाल निर्माता तथा मणिराम पोखरेल कार्यकारी निर्माता छन् ।
