ट्रेलरमा हेर्नुहोस् आर्यन र उपासना स्टारर ‘डिसेम्बर फल्स’ |भिडियो
आर्यन सिग्देल स्टारर फिल्म ‘डिसेम्बर फल्स’को ट्रेलर रिलिज भएको छ । राजधानीमा आयोजित एक कार्यक्रमबीच निर्माण टिमले फिल्मको ट्रेलर रिलिज गर्यो ।
सार्वजनिक ट्रेलर प्रेम र रोदन केन्द्रीत छ । आर्यनको अपोजिटमा अभिनेत्री उपासनासिंह ठकुरी छिन् । साथमा शिवहरी पौडेल, नागेन्द्र रिजाल, सलोन बस्नेत, नरेश भट्टराई, प्रभात पल ठकुरी, शिशिर राणा लगायतलाई फिल्ममा देख्न सकिनेछ ।
वनिश शाहको सम्पादन रहेको फिल्ममा छायांकन महेश आर गुप्ताको छ । प्रविण झाले फिल्मलाई निर्देशन गरेका हुन् । विपिका खनालको कथामा बनेको ‘डिसेम्बर फल्स’मा लक्ष्मण रिजाल, असिम काफ्ले र राकुमार भट्ट निर्माता छन् ।
