क्लब फरेनहाइटमा शनिबार आदित्यनारायण झाको लाईभ कन्सर्ट
काठमाण्डौमा बलिउड अभिनेता तथा गायक आदित्य नारायण झाको लाईभ कन्सर्ट हुने भएको छ । यहि आउँदो शनिबार मंसिर १० गते (२६ नोभेम्बर) का दिन आदित्यले ठमेलमा रहेको क्लब फरेनहाइटमा प्रस्तुती दिनेन् ।आदित्य शुक्रबार नेपाल आइपुग्ने आयोजकले बताएको छ ।
। उनले क्लब फरेनहाइटमा आफ्ना हिट गीत र केही नेपाली गीत समेत गाउनेछन् । आदित्यको कन्सर्टमा सहभागी हुन सोही दिन क्लब फरेनहाइटबाट टिकट लिन सकिने कन्सर्टका आयोजक तथा क्लबका प्रबन्ध निर्देशक मिलन श्रेष्ठले जानकारी दिए ।
गायक झाले कन्सर्टका साथै आफ्नो नेपाल बसाईमा पशुपतिनाथको पनि दर्शन गर्ने योजना समेत बनाएका छन् । आदित्यले यस अगाडी पनि नेपालका क्लबमा आफ्नो प्रस्तुती दिईसकेका छन् ।
‘सारेगमापा’, ‘एक्स फ्याक्टर’ र ‘खतरा खतरा खतरा’ जस्ता शो होस्ट गरेर चर्चामा आएका आदित्यले नेपाली गीत संगीतमा ’कुसुमे रुमाल २’ मार्फत पार्श्व गायकको रुपमा डेब्यु गरेका थिए । उनका पिता उदीतनारायण झाको दर्जनौं सुपरहिट नेपाली गीतहरुमा स्वर सुन्न सकिन्छ ।
