टिजरमा हेर्नुहोस् आर्यन र उपासना स्टारर ‘डिसेम्बर फल्स’ |भिडियो
आर्यन सिग्देल स्टारर फिल्म ‘डिसेम्बर फल्स’ को टिजर सार्वजनिक गरिएको छ । ३० डिसेम्बर अर्थात १५ पुषमा देशव्यापी प्रदर्शनमा आउने फिल्मको टिजर बिहिबार युट्युव मार्फत वर्ल्ड प्रिमियर गरिएको हो ।
यो फिल्ममा आर्यनको अपोजिटमा अभिनेत्री उपासना सिंह ठकुरी छिन् । सार्वजनीक १ मिनेट १५ सेकेन्ड लामो टिजरमा आर्यनलाई एक्सन लभर ब्वाईका रुपमा प्रस्तुत गरिएको छ भने उपासना नर्सको भूमिकामा देखिएकी छिन् ।
वलिउड निर्देशक प्रवीण झाको निर्देशन र सिनेमाटोग्राफर महेश आर गुप्ताको छायांकन रहेको फिल्मलाई रामप्रसाद रिजालले निर्माण गरेका हुन् । यसअघि ‘वान डे’, ‘कसम’,धुवाँ यो नशा’ र ‘कायरा’ निर्माण गरिसकेका रिजाल ‘डिसेम्बर फल्स’ प्रति निकै आशावादी छन् । ‘दिल खोलेर लगानी र परिश्रम लगाएका छौ,’ उनको भनाइ छ ,‘गुणस्तरिय फिल्म निर्माणका लागि कुनै कुरा पनि कमी हुन दिएका छैनौं । त्यसले दर्शकको भरपुर साथ पाउनेमा विश्वस्त छौं ।’
फस्र्टलुक पोस्टर सार्वजीकसँगै चर्चामा रहेको फिल्ममा आर्यन र उपासनाका साथमा सुमन थापा,नरेश भट्टराई,सलोन बस्नेत,शिबहरि पौडेल,नागेन्द्र रिजाल,शिशिर राणा लगायतका कलाकारहरूको अभिनय छ । रिजाल एण्ड रिजाल प्रोडक्शनको ब्यानरमा निर्मित फिल्मको प्रस्तुतकर्ता रामप्रसाद रिजाल हुन भने कार्यकारी निर्मातामा लक्ष्मण रिजाल र असिम काफ्ले छन् ।
रामप्रसाद रिजाल र राजकुमार भट्ट निर्माता रहेको फिल्मको कथा विपीका खनालले लेखेकी हुन् । पटकथा र सम्वाद भने केदार भुसाल र प्रतिक पौडेलले तयार पारेका हुन् । बनिष शाहले सम्पादन गरेको फिल्ममा श्री श्रेष्ठको द्धन्द्ध निर्देशन,कबिराज गहतराज,रामजी लामीछाने,शिशिर खाती र प्रवीण सिंहको कोरियोग्राफी छ । यो फिल्म वितरणको जिम्मा सुनिल मानन्धरले लिएका छन् ।
