नील पुनःसँग किरण माइकलले ल्याए ‘सोच भाई सोच’ |भिडियो
नील पुनः र किरण माइकल घिमिरेको स्वरमा गीत ‘सोच भाई सोच’ सार्वजनिक भएको छ । र्याप पप जनराको उक्त गीतमा गायकद्वय नील र किरणसँगै कमेडियन खड्ग बहादुर पुनः (खबपु) फिचर्ड छन् ।
गीतमा विदेशमा रहँदा आर्थिक समस्याले थिचिएको एक युवाको जीन्दगी र समयान्तरमा कोहि कसैको सहयोगमा आउने बदलावको भावना जोडिएको छ । गीतमा शब्द, संगीत दुबै गायक नील पुनः को नै छ । एरेञ्ज स्पार्कको छ ।
दाइको रेकर्ड्स र साइराम पिक्चर्समा रेकर्ड गरिएको गीतको भिडियो लण्डनमा छायांकन गरिएको हो । आशिष श्रेष्ठ छायांकारमा रहँदा सम्पादन र कलरको काम अनिष नाप्परले गरेका छन् । पोष्ट प्रोडक्सनको काम पेपरक्लिपमा गरिएको हो ।
