‘छड्के २’ रिलिज घोषणा, ‘छक्का पञ्जा ४’ सँग भिडन्त पक्का

अनमोल केसी स्टारर फिल्म ‘छड्के २’ को तिलिज घोषणा भएको छ। निर्माण टिमले यो फिल्म आगामी फागुन १९ गते प्रदर्शनमा ल्याउने घोषणा गरेको हो ।

अनमोललाई ग्याङ्स्टर लूक्समा देखाउँदै निर्माण टिमले पोस्टर आउट गरेर फिल्मको प्रदर्शन मिति लक गरेको हो ।

यो फिल्ममा निगम श्रेष्ठको निर्देशन छ । श्रेष्ठकै लेखनमा बनेको फिल्ममा अनमोलसँगै रोविन तामाङ, कमलमणि नेपाल, रेशा आले मगर मुख्य कलाकार छन् ।

अब तोकिएको मितिमा यो फिल्म आउँदै गर्दा हालसम्म रिलिज तोकेका पाँच फिल्मबीच प्रतिस्पर्धा हुनेछ । यसअघि नै ‘वर एन्ड वधु’, ‘परस्त्री’, ‘बुलाकी’ र ‘छक्का पञ्जा ४’ले यो मितिमा रिलिज तोकेको हुँदा अनमोलको फिल्म आउँदा कुन कुन फिल्मको रिलिज तलमाथी हुन्छ त्यो हेर्न बाँकी छ ।