‘महापुरूष’ को आक्रामक कलेक्सन !
तिहारको भोलीपल्ट रिलिज भएको फिल्म ‘महापुरूष’ बक्साफिसमा सुरुवाती सफलतासहित अघि बढेको छ ।
प्रिमियर प्रतिक्रियाले हौसिएको निर्माण टिम रिलिजपछिको कलेक्सनमा सन्तुष्ट छ । काठमाडौं र मोफसलका मल्टिप्लेक्स तथा सिंगल स्क्रिन सबैमा दर्शकको चाप उच्च छ ।
शुक्रबार एक करोडको ग्रस ओपनिङ गरेको फिल्मले दोस्रो दिन डेढ करोड बढिको बिजनेस गर्यो । फिल्मले आइतबार एक करोड माथीको बिजनेस गरेको निर्माण टिमको दाबी छ ।
फिल्म निर्देशक प्रदीप भट्टराई प्रसंशाको केन्द्र बनेका छन्, कलाकारको प्रस्तुतिले पनि उत्तिकै तारिफ पाएको छ । यो फिल्ममा मदनकृष्ण श्रेष्ठ, हरिवंश आचार्य, गौरी मल्ल, राजाराम पौडेल, अरुण क्षेत्री, अञ्जना बराइली,रविन्द्र सिंह बानियाँ, शिखा तामाङ, कोपिला थापा, शिरु विष्ट, कविता श्रेष्ठ, नरेन्द्र कंसाकार, सविन बास्तोला, नरेश पौड्याल, प्रेम पाण्डे, सुमन रिमाल, माधव अधिकारी, प्रकाश भट्टराईलगायतका कलाकारले अभिनय गरेका छन् ।
