‘तिम्रो मेरो साथ’गीतः पुष्पसँग साम्राज्ञीको छमछमी |भिडियो
पुस २९ गतेलाई प्रदर्शन मिति तोकेको फिल्म ‘तिम्रो मेरो साथ’को पहिलो गीत रिलिज गरिएको छ । तिहारको अबसरमा सार्वजनिक गीतमा ‘रूमालै बाटेर टाई बनाम’ बोलको गीत निर्माण टिमले दर्शकलाई उपहार छोडेको हो ।
लोक शैलीको उक्त गीत सुभाष भुसालको संगीतमा तयार भएको छ। गीतमा जगदिश समाल र मेलिना राईको युगल स्वर रहेको छ। रामजी लामिछाने कोरियोग्राफी रहेको गीतलाई शिव ढकालले खिचेका हुन्।
गीतमा फिल्मका प्रमूख कलाकार पुष्प खड्का, साम्राज्ञी राज्य लक्ष्मी शाह तथा सन्दीप क्षेत्रीको नृत्य देख्न सकिन्छ। यो रमेश एमके पौडेलको डेब्यू निर्देशन रहेको फिल्म हो । पौडेल यसअघि ‘राज्जा रानी’ तथा ‘रूद्रप्रीया’का निर्माता हुन्। आर्यन फिल्मस्को ब्यानरमा निर्माण भएको सिनेमामा पासाङ लामा, निरू भण्डारी, अशोक पोख्रेल, सुमन पौडेल तथा सुमित पराजुलीको सह-निर्माता रहेका छन्।
यसैगरी निर्देशक सबिर श्रेष्ठ सिनेमाका कार्यकारी निर्माता हुन्। कार्यकारी निर्माता श्रेष्ठ सिनेमाका लेखकसमेत हुन्। उनलाई लेखनमा बाबुराम निरौलाले साथ दिएका छन्। सिनेमामा पुष्प, साम्राज्ञी तथा सन्दिपका अलावा इमीली लामा, दिपिशा केसी, खड्क बहादुर पुन तथा सरोज खनालको अभिनय रहेको छ । फिल्ममा सम्पादन भूपेन्द्र अधिकारीको छ ।
