आर्यन र उपासना स्टारर ‘डिसेम्बर फल्स’ पोस्टर सार्वजनिक, रिलिज मिति घोषणा
आर्यन सिग्देल र उपासना सिंह ठकुरी स्टारर फिल्म ‘डिसेम्बर फल्स’को प्रदर्शन मिति घोषणा गरिएको छ । शुक्रवार निर्माण टिमले पोस्टर सार्वजनिक गर्दै आगामी पुष १५ गतेलाई फिल्मको प्रदर्शन मिति घोषणा गरेको हो ।
दुबै मुख्य कलाकारको सोलो पोस्टर सार्वजनिक हुँदा अभिनेता आर्यन सिग्देलको रौद्र रुप देख्न सकिन्छ भने अर्को पोस्टरमा अभिनेत्री उपासना सिंह ठकुरी नर्सको पोशाकमा रगताम्मे हातसहित छिन् ।
प्रविण झा निर्देशित फिल्ममा आर्यन र उपासनाका अलावा सलोन बस्नेत, शिवहरी पौडेल, नगेन्द्र रिजाल, शिशिर राणा, गीता अधिकारी, प्रभात पल ठकुरी, नरेश भट्टराई, सुमन थापा लगायतको अभिनय छ ।
रोमान्टिक-थ्रिलर जनरामा निर्माण भएको फिल्मका प्रस्तुतकर्ता तथा निर्माता रामप्रसाद रिजाल हुन् । महेश गुप्ताले फिल्म खिचेका हुन् ।
लक्ष्मण रिजाल र अमिस काफ्ले कार्यकारी निर्माता रहेको फिल्मको निर्मातामा राज कुमार भट्ट छन् । बनिश शाहले सम्पादन गरेको यो फिल्मको पटकथा तथा संवाद केदार भुषाल र प्रतिक पौडेलले तयार पारेका हुन् । यस फिल्ममा सुनिल मानन्धरले वितरक छन् ।
