‘लाखे’ आइटम गीतमा अनुप र आर्यनको ठूम्का !
एक हप्तापछि सर्दै कात्तिक १८ गतेलाई प्रदर्शन मिति तोकेको फिल्म ‘लाखे’को आइटम गीत सार्वजनिक भएको छ । सार्वजनिक ‘तिम्रो पिरेम’ बोलको गीतमा फिल्मका मुख्य अभिनेताद्वय अनुपविक्रम शाही र आर्यन अधिकारी नृत्यमा छन् भने अर्का अभिनेता सौगात मल्लसमेत झुलुक्क अटेका छन् ।
हर्कुलस बस्नेत र सदिक्षा कट्टेलको स्वर रहेको गीतमा संगीत तथा शब्द रचना पनि बस्नेतले नै गरेका छन् ।
सम्राट बस्नेतले निर्देशन गरेको यो फिल्ममा सौगात मल्ल, अनुपविक्रम शाही, अर्पण थापा, आर्यन अधिकारी, वर्षा राउत, रोहित रुम्बा, संजोग राणा, सुशील सिटौला, प्रशान्त ताम्राकार, रक्षा बुढाथोकी, कालु राना, सुगन तण्डुकार, बाल कलाकार सिस्टम भण्डारीलगायतका कलाकारहरुको अभिनय रहेको छ । फिल्म एक्सन, सस्पेन्स, थ्रिलर जनरामा निर्माण भएको हो ।
सिजन अर्यालको कथा तथा निर्माण रहेको फिल्मको निर्मातामा डिपी भण्डारी र गणेश मल्ल ठकुरी (जिएम) छन् भने कार्यकारी निर्माता हरि मल्ल ठकुरी हुन् । फिल्ममा सुजन प्रजापतिको छायांकन, कविराज गहतराजको कोरियोग्राफी, सम्राट बस्नेतको द्वन्द्व निर्देशन, अर्जुन जिसीको सम्पादन छ ।
