पर्दामा ‘हिजोआजका कुरा’, प्रिमियर प्रतिक्रियाले निर्माण टिम उत्साहित
सानोपर्दामा अत्याधिक सफल टेलिसिरियल ‘हिजोआजका कुरा’ नाममा फिल्म निर्माण भएसँगै फिल्म शुक्रबारबाट ठुलोपर्दामा पदारोपण गरेको छ । मल्टिप्लेक्स र सिंगल स्कृनमा उच्च शोज प्राप्त गरेको फिल्म निर्माण टिम रिलिजको पुर्वसन्ध्यामा सम्पन्न प्रिमियर प्रतिक्रियाबाट उत्साहित छ ।
फिल्मको प्रिमियरमा उपस्थिति कलाकर्मी, विभिन्न क्षेत्रका विशिष्ट व्यक्तित्वहरूले फिल्मले उठाएको कथावस्तु र प्रस्तुतिको तारिफ गरिसकेका छन् । पन्त फिल्म प्रोडक्सनको प्रस्तुति रहेको ‘हिजो आजका कुरा’ भेट्रान कलाकार सन्तोष पन्तका छोरा साकार पन्तको निर्देशन छ । यो फिल्ममा सन्तोष पन्त,रमा थपलिया, साकार पन्त, केकी अधिकारी, ऋचा शर्मा, दिब्यदेव, रिमा विश्वकर्मा,लक्ष्मी भुसाल, जेविका कार्की, रमेश अधिकारी, मञ्जु श्रेष्ठ, बिनय कुँइकेल, अनुष्का अधिकारी, सबिन शाक्य, कमला रेग्मी, रिहान केसी लगायत अभिनयमा छन ।
मल्टिस्टारर फिल्मले टेलिभिजनको पर्दामा आउँदा दर्शकबाट प्राप्त मायालाई ठुलोपर्दामा पनि निरन्तरत पाउने विश्वास निर्माण टिमको छ । रवि सायमीले खिचेको फिल्मको कार्यकारी निर्माता प्रतिभा पन्त, सह–निर्माता बैकुष्ठप्रसाद उपाध्याय र सचितकुमार मिश्र छन् ।
प्रिमियरमा प्राप्त प्रतिक्रियाले प्रफुल्ल पन्त प्रोडक्सनले ब्यानरको पहिलो फिल्मबाट कस्तो सफलता पाउँछ त्यसको भने केहि दिनपछि हिसाब निस्किनेछ ।
