कमेडीले भरिपूर्ण ‘के घर के डेरा’ ट्रेलर रिलिज

कार्तिक ४ लाई प्रदर्शन मिति तय गरेको फिल्म ‘के घर के डेरा’को ट्रेलर रिलिज गरिएको छ । शुक्रबार राजधानीमा आयोजित एक कार्यक्रमबीच फिल्मको ट्रेलर सार्वजनिक गरियो ।

दिपेन्द्र के.खनाल निर्देशित फिल्मको ट्रेलरमा कमेडी हाबी छ । सबैजसो मुख्य कलाकार ट्रेलरमा अटाएका छन् ।
‘के घर के डेरा’मा दयाहाङ राई, विपिन कार्की, बर्षा राउत र सुरक्षा पन्तको मुख्य भूमिका छ । सिङ्गे लामाको कथामा बनेको फिल्ममा महेश दवाडीको पटकथा एव संवाद समावेश छ ।
दीर्घ गुरुङले छायाँकन गरेको फिल्ममा युवराज कार्की कार्यकारी निर्माता छन् भने शरद श्रेष्ठ, राजिव श्रेष्ठ र किरण महर्जन निर्माता छन् । फिल्मले डेरामा बस्नेहरुको घर बनाउने सपना बोल्छ ।