निर्देशकको जन्मदिनमा ‘तिम्रो मेरो साथ’को रिलिज घोषणा

आफ्नो जन्म दिनको अबसर पारेर चलचित्र निर्माता तथा निर्देशक रमेश एम.के. पौडेलले चलचित्र तिम्रो मेरो साथको रिलिज डेटको घोषणा गरेका छन । मंगलबार पौडेलको जन्म दिन हो भने उनले यसै दिन चलचित्र ‘तिम्रो मेरो साथ’आउँदो पौषको २९ मा रिलिज हुने सार्वजनिक घोषणा गरेका छन ।

माघेसंक्रान्ति लक्षित गरेर सार्वजनिक प्रदर्शनमा आउने यो चलचित्रमा पुष्प खड्का साम्राज्ञी आरएल शाह , सन्दीप क्षेत्री, सरोज खनाल लगायतका कलाकारहरूको अभिनय रहेको छ । यो चलचिथ प्रेम कथामाथि आधारित चलचित्र हो ।

सविर श्रेष्ठको लेखन तथा कार्यकारी निर्माण रहेको चलचित्र तिम्रो मेरो साथै दर्शकलाई भरपुर मनोरंजन दिने विश्वास निर्माण टिमको छ । मंसिरमा निर्वाचन र विश्वकप फुटबल सकिएपछि प्रदर्शनमा आउने यो चलचित्रका क़ैदी – संगीतले राम्रो बजार पाउंने विश्वास लिइएको छ ।