‘के घर के डेरा’ टिजर रिलिजः काठमाडौंमा घर हुँदा र नहुँदाको छटपटी |भिडियो
कार्तिक ४ गतेलाई प्रदर्शन मिति तय गरेको फिल्म ‘के घर के डेरा’को टिजर सार्वजनिक गरिएको छ । युट्युवबाट इन्टरनेट रिलिज गरिएको टिजरमा काठमाडौंमा घर हुने र नहुनेको कथा जोडिएको छ ।
सार्वजनिक टिजरमा मुख्य कलाकारहरू दयाहाङ राई, विपिन कार्की, वर्षा राउत र सुरक्षा पन्त फिचर्ड छन् । सामाजिक कथामा तयार भएको फिल्मलाई दिपेन्द्र के खनालले निर्देशन गरेका हुन् ।
ए प्लस इन्टरटेनमेन्टको ब्यानरमा फिल्म निर्माण भएको फिल्मलाई शरद श्रेष्ठ, राजीव श्रेष्ठ र किरण महर्जनले निर्माण गरेका हुन् । रविन्द्र झा, आशान्त शर्मा, लक्ष्मी गिरी, प्रभाकर न्यौपाने, सरोज अर्याल, भोलाराज सापकोटा, कोसिश क्षेत्री पनि फिल्ममा देखिनेछन् ।
सिङ्गे लामाको कथामा बनेको फिल्मको पटकथा महेश दवाडीले लेखेका हुन । दिर्घ गुरुङको छायांकन रहेको फिल्ममा सम्पादन दिर्घ खड्काको छ ।
