बाल मनोदशा जोड्दै आयो ‘के घर के डेरा’ नयाँ पोस्टर
दीपेन्द्र के खनाल निर्देशित फिल्म ‘के घर के डेरा’को दोस्रो चरणको पोस्टर रिलिज गरिएको छ । सार्वजनिक पोस्टरमा पात्रहरुको अवस्था चित्रण गरिएको छ । एउटै ओछ्यानमा पल्टिएका परिवारका सदस्यहरुको फरक मनोदशा पोस्टरमा देख्न सकिन्छ । बालकलाकार आयुशी ढकालले आँखामा आशाका किरण झल्किन्छन् ।
महेश दवाडीको पटकथा र संवाद रहेको फिल्ममा दयाहाङ राई , सुरक्षा पन्त र आयुशीका अलावा लक्ष्मी गिरी, विपिन कार्की, वर्षा राउत, रविन्द्र झा, आशान्त शर्मा, प्रभाकर न्यौपाने, सरोज अर्याल, भोलाराज सापकोटा, घनश्याम जोशी, कोशिस क्षेत्रीलगायतका कलाकारहरुको अभिनय छ ।
कार्तिक ४ देखि सार्वजनिक प्रदर्शनमा आउने फिल्ममा सिंगे लामाको कथा छ । दीर्घ गुरुङको छायांकन रहेको फिल्ममा शंकर थापा स्माइल/कोशिस क्षेत्रीको संगीत र दिर्घ खड्काको सम्पादन छ । ए प्लस इन्टरटेनमेन्टको व्यानरमा निर्मित फिल्मका कार्यकारी निर्माता युवराज कार्की हुन् । फिल्मको निर्मातामा शरद श्रेष्ठ, राजीब श्रेष्ठ र किरण महर्जन छन् ।
