‘छड्के २’बाट अनमोलको लूक्स रिभिल !
अनमोल केसी स्टारर फिल्म ‘छड्के २’ उर्फ ‘२.० छड्के’को निर्माण टिमले छायांकनकै बीच फिल्मको पोस्टर रिलिज गरेको छ । चितवनमा फिल्मको छायांकन चलिरहँदा निर्माण टिमले पोस्टर सार्वजनिक गर्दै अनमोलको ‘लूक्स रिभिल’ गरेको छ ।
सार्वजनिक पोस्टरमा अनमोल ग्याङस्टर लूक्समा देखिन्छन् । रगत लतपतिएको ज्यानसहित तरबार समातेका अनमोलको शरीर भरी ट्याटू छ । छातीमा १९९४ डेट खोपिएको छ । उनी आक्रमक रुपमा देखिएका छन् ।
निगम श्रेष्ठको लेखन तथा निर्देशन रहेको यो फिल्ममा अनमोलका अलवा रोविन तामाङ, कमलमणि नेपाल मुख्य भूमिकामा छन् । अन्य कलाकार भने निर्माण पक्षले सार्वजनिक गरेको छैन ।
काभ्रे फिल्म्सको व्यानरमा निर्माण हुने यो फिल्मसँग मेधा प्रोडक्सन र निर्भाना फिल्म स्कुलले सहकार्य गरेका छन् । निर्मातामा प्रशान्त गिरी र देवकुमार श्रेष्ठ रहँदा कार्यकारी निर्मातामा निर्भाना फिल्म स्कुल र लक्ष्मण काफ्ले छन् ।
६० दिनको छायांकन सेड्युअल लिएर फ्लोरमा निस्केको टिम चितवनको छायांकन सकेर मुस्ताङ पुग्नेछ ।
