‘सम्हालिन्छ कहिले मन’ गीत रिलिजः आकाश र सोनामसँग पूजाको दोहोरो प्रेम !
सुदर्शन थापा निर्देशित फिल्म ‘सम्हालिन्छ कहिले मन’मा समावेश शीर्ष गीत सार्वजनिक भएको छ । फिल्मको नाम बोल्ने जेम्स प्रधानको संगीत समावेश पुरानो गीत ‘सम्हालिन्छ कहिले मन’लाई नयाँ भर्सनमा सार्वजनिक गरिएको हो ।
गीतमा स्वर सुगम पोखरेलले भरेका छन् । सुयश भट्टराईको लेखन रहेको उक्त गीतमा एरेञ्ज शैलेन्द्र डि. प्रधानको छ । मुख्य कलाकार त्रय पूजा शर्मा, आकाश श्रेष्ठ र सोनम तोप्देन फिचर्ड छन् ।
भदौ १७ लाई प्रदर्शन मिति तय गरेको फिल्मको निर्माण टिम यतिबेला प्रचार प्रसारमा व्यस्त छ । यो फिल्मको कोरोना पहिले ३ वर्षअघि छायांकन गरिएर प्रदर्शन रोकिएको थियो ।
सटरभ लामाको छायांकन रहेको फिल्ममा अर्जुन जिसीको सम्पादन छ । सम्पुर्ण जसो छायांकन युकेमा गरिएको छ ।
