‘सम्हालिन्छ कहिले मन’ गीत रिलिज, आकाशसँग रोमान्टिक पूजा
सुदर्शन थापा निर्देशित फिल्म ‘सम्हालिन्छ कहिले मन’को नयाँ गीत सार्वजनिक भएको छ । सोमबार निर्माण टिमले ‘हराएँ हराएँ’ बोलको रोमान्टिक गीत रिलिज गरेको हो ।
यूके र मुस्ताङमा छायांकन गरिएको गीतमा पूजा शर्मा र आकाश श्रेष्ठ फिचर्ड छन् । ताराप्रकाश लिम्बु र अनु चौधरीले स्वर दिएको गीतमा रमणीय दृश्य र पूजा/आकाशको केमेस्ट्री म्याच गर्छ ।
स्कटल्याण्डका केहि चुचुरोहरुलाई छायांकार सौरभ लामाले ‘लार्ज फ्रेम’मा सुन्दर ढंगले कैद गरेका छन् । आनन्द अधिकारीको शब्द रचना रहेको गीतमा ताराप्रकाश लिम्बुको संगीत छ । कोरियोग्राफी कविराज गहतराजले गरेका छन् ।
महेश दवाडीको लेखन रहेको फिल्ममा पूजा र आकाशका अलावा डेब्यू अभिनेता सोनम तोप्देन, सरोज खनाल, धिरेन शाक्य, गौरी मल्ललगायतका कलाकारहरुको अभिनय छ ।
एबी इन्टरनेशनलसँग भिक्टर सिनेमा लिमिटेडले निर्माण सहकार्य गरेकोफिल्ममा अर्जुन पोखरेल/ताराप्रकाश लिम्बु/जेम्स प्रधानको संगीत र अर्जुन जिसीको सम्पादन छ । भदौ १७ देखि सार्वजनिक प्रदर्शनमा आउने फिल्मलाई अमित बस्नेत, अजित केआर थापा र परी रानाले निर्माण गरेका हुन् ।
