ट्रेलरमा हेर्नुहोस् धिरज र अदिती स्टारर ‘बाबरी’ |भिडियो
धिरज मगर र अदिती बुढाथोकी स्टारर फिल्म ‘बाबरी’को ट्रेलर रिलिज भएको छ । सोमबार राजधानीमा आयोजित एक कार्यक्रमबीच निर्माण टिमले ट्रेलर रिलिज गर्यो ।
ट्रेलर प्रेम बिछोड केन्द्रीत छ । सुरेन्द्र पौडेलले यो फिल्म निर्देशन गरेका हुन् । धिरज नाडाकार, वादल भट्ट, कमलमणी नेपाल, उर्मिला बस्नेत, ध्रुब कोईराला, सुनिता श्रेष्ठ फिल्मका अन्य कलाकार हुन् ।
हिजोमात्रै निर्माण टिमले भदौ ३१ बाट सारेर असोज १४ गतेलाई फिल्मको प्रदर्शन तय गरेको छ । नरेन्द्र मैनालीले खिचेको फिल्ममा सम्पादन पनि निर्देशक पौडेलको नै छ । गणेश बुढाथोकी र पुष्पालता बुढाथोकी फिल्मका निर्माता हुन् ।
