‘माईकल अधिकारी’को ‘छुक छुक रेल’मा सौगातसँग रोमान्टिक सृष्टि |भिडियो
भदौ ३ गतेलाई प्रदर्शन मिति तोकेको फिल्म ‘माईकल अधिकारी’मा समावेश नयाँ गीत रिलिज गरिएको छ । गीतमा मुख्य कलाकार सौगात मल्ल र सृष्टि श्रेष्ठ फिचर्ड छन् । डायलगसहितको गीत रोमान्टिक जनरामा केन्द्रीत छ ।
‘छुक छुक रेल’ बोलको गीतमा स्वर प्रताप दास र अस्मिता अधिकारीको छ भनर संगीत रेभान सिंहको छ । गीतका शब्द शैलेस कंडेल क्षेत्रीले लेखेका हुन् ।
रञ्जीत रौनियारको निर्देशनमा बनेको फिल्मका निर्माता निरक पौडेल हुन् । गोपिकृष्ण मुभिजको ब्यानरमा उद्धव पौडेलको प्रस्तुतिमा बनेको फिल्ममा सौगात र सृष्टिसँगै लुनिभा तुलाधर, आशान्त शर्मा, एनी कुंवर, मनोज केसी, दिलिप बोहरा, केन्द्र भट्टराई लगायत अभिनयमा छन् । मित्र डि. गुरुङको सम्पादन रहेको फिल्मको पटकथा तथा संवाद शैलेस कंडेल क्षेत्रीको हो ।
