आँचल र केकी स्टारर ‘झिंगेदाउ’ अफिसियल ट्रेलर रिलिज
फिल्म ‘झिंगेदाउ’को अफिसियल ट्रेलर सार्वजनिक गरिएको छ । आईतबार राजधानीमा आुोजित एक कार्यक्रमबीच फिल्मको ट्रेलर रिलिज गरियो । ट्रेलरमा सामाजिक कथामा कमेडी मिश्रण छ ।
भाद्र १७ लाई प्रदर्शन मिति तोकेको फिल्मको निर्माण टिमले प्रचारलाई अघि बढाउँदै ट्रेलर रिलिज गरेको हो । फिल्मको यसअघि सार्वजनिक ‘आगो बीना बिँडी’ बोलको गीत चर्चामा छ ।
केकी अधिकारी, आँचल शर्मा, मुकुन भुषाल, हिउँवाला गौतम, कुशल विष्ट लिड अभिनयमा रहेको फिल्मलाई ज्ञानेन्द्र देउजाले निर्देशन गरेका हुन् । फिल्मको कथा प्रदीप भारद्वाजले लेखेका हुन् । विष्णु कल्पितले छायांकन गरेको फिल्ममा सम्पादन मित्र डि. गुरुङको छ ।
