‘हिँड्दा हिँड्दै’ फर्स्टलुक रिलिज, प्रदर्शन मिति घोषणा
लभस्टोरी जनराको फिल्म ‘हिँड्दा हिँड्दै’ को फर्स्टलुक पोस्टर सार्वजनिक भएको छ । निर्माण टिमले साउन सोमबारको शुभसाइत पारेर फर्स्टलुक सार्वजनिक गर्दै प्रदर्शन मिति तोकेको हो । मिलन आले मगरको निर्देशनमा सुशील पंगेनीले निर्माण गरेको फिल्म आगामी माघ २० बाट दर्शकमाझ आउने भएको छ ।
सार्वजनिक पोस्टरमा फिल्मका प्रमुख कलाकार आकाश श्रेष्ठ र रेखा शाहलाई रोमान्टिक मूडमा प्रस्तुत गरिएको छ । रेखा यही फिल्मबाट रजतपटमा डेब्यु गर्दैछिन् । नारायण सुशील पंगेनी इन्टरटेन्मेन्टको ब्यानरमा बिमल श्रेष्ठको प्रस्तुति रहेको फिल्ममा आकाश र रेखाका साथमा सलोन बस्नेत,सानीया खान,बिमल श्रेष्ठ,बिशाल श्रेष्ठ,बिकास थापा मगर,ममता पौडेल र बालकलाकार अर्विन थिङ्गले अभिनय गरेका छन् ।
राजकुमार थिङ निर्माता रहेको फिल्मको सहनिर्मातामा केबी सुब्बा,प्रमोदकुमार तामाङ र महादेव साह छन् । लीलामान तण्डुकारले खिचेको फिल्मका गीतमा तारा प्रकाश लिम्बू र किरण माइकल घिमीरेको संगीत,कविराज गहतराज र सुरेन्द्र बसेलको कोरियोग्राफी,देव महर्जनको द्वन्द्व निर्देशन र नवीन निरौलाको सम्पादन छ । आरआर फिल्मस्ले वितरण गर्ने फिल्मको हाल पोष्ट प्रोडक्सनको काम चलिरहेको निर्माण टिमले बताएको छ ।
