पोष्ट प्रोडक्सनमा दीपेन्द्रको ‘के घर के डेरा’, तिहारबाट दर्शकमाझ
दीपेन्द्र के खनाल निर्देशित फिल्म ‘के घर के डेरा’को पोष्ट प्रोडक्सनको काम सुरु भएको छ । हालै फिल्मको डविङ समेत सुरु गरिएको छ । शुक्रबार अभिनेता विपिन कार्कीको भागको डविङ गर्दै फिल्मको पोष्ट-प्रोडक्सन काम सुरुवात गरिएको निर्माण टिमले जानकारी दिएको छ ।
निर्देशक खनालले आफ्नो सोच अनुसार नै फिल्म निर्माण भईइरहेको बताए । फिल्मका कलाकारले आफुलाई राम्रो साथ दिएकाले पनि ‘के घर के डेरा’को रिजल्ट राम्रो निस्किनेमा बिस्वस्त रहेको निर्देशक खनालको बुझाइ छ । आफ्नो हरेक फिल्ममा दर्शकले पाउने सम्पुर्ण खुराक ‘के घर के डेरा’मा पाउने विश्वास व्यक्त गरे । फिल्मको आगामी कात्तिक ४ गतेबाट तिहारको अवसरमा रिलिज हुँदैछ ।
ए प्लस इन्टरटेनमेन्दको व्यानरमा निर्माण हुने फिल्मका कार्यकारी निर्माता युवराज कार्की हुन् । फिल्ममा शरद श्रेष्ठ, राजीव श्रेष्ठ र किरण महर्जन निर्माताको रुपमा रहेका छन् । सिंगे लामाको कथा रहेको फिल्मको पटकथा तथा संवाद महेश दवाडीले लेखेका हुन् । शंकर थापा स्माइलको संगीत, सुब्रत आचार्यको गीत रचना, दिर्घ गुरुङको छायांकन र दिर्घ खड्काको सम्पादन ‘के घर के डेरा’मा रहनेछ ।
फिल्ममा दयाहाङ राई, विपिन कार्की, वर्षा राउत, सुरक्षा पन्त, रविन्द्र झा, लक्ष्मी गिरी, आशान्त शर्मा, प्रभाकर न्यौपाने लगायतको अभिनय रहने छ ।
